Esku-hartzeko Brigadak betetzen dituen eginkizun generikoak:

• Herritarren segurtasuna babestu eta mantentzea
• Kaleetan udaltzainen presentzia germatzea, Hurbileko Polizien Brigadaren osagarri
• Gainerako sailei laguntza ematea, hala eskatzen dutenean
• Elkarlana Udalaren gainerako zerbitzuekin
• Agintarien Babesa
• Aisiako jardueren kontrola

Agintarien babesa talde jakin batek egiten du, zuzenean Herritarren Segurtasuneko Alorreko buruzagitzaren menpe dagoena. Hona hemen talde honek dituen eginkizunak:

• Alkatea babestu eta haren eskolta-lanak egitea. Hala behar izanez gero, Udalbatzako gainerako kideei ere eman diezaieke eskolta
• Udal agintarien babesari dagokion kontrazaintza, hala eskatzen zaionean
• Udal agintariei babesa ematen dieten eskolta pribatuen kontrola
• Hiria bisitatzen duten agintariei babesa ematea, hala eskatuz gero
• Alkatea eta zinegotziak laguntzea, Udala ordezkatuz Udalerritik kanpo egiten diren ekitaldietan

"Ordenantzak, Udalaren bestelako xedapenak eta Administrazioek emandako gainerakoak betetzen direla kontrolatzea" funtzio generikoaren baitan, eta, bereziki, "ikuskizun publikoen eta josteta jardueren arlokoak" direnean, Babeseko Brigadak aisialdiko lokalen kontrola egiteko zeregina du.

Eginkizun hori betetzeko, Babeseko Brigadak aretoetako musika mugagailuen eta erregistradoreen datuen deskargak erabiltzen ditu, eta, horrela, leku horiek zein ordutan ixten diren kontrolatzen dute, bai eta soinu-igorpenen bolumena ere.

Halaber, lan handia egiten du aretoetako edukiera eta baimendutako gehienezko edukiera betetzen dela kontrolatzen.