Aparka dezaket nire motorra espaloi gainean?

Ez, debeku da edozein ibilgailurentzat, motozikletak eta ziklomotorrak barne. Iruñeko Zirkulazio Ordenantzak ondokoa xedatzen du: "debeku da aparkatzea espaloi, pasealeku eta oinezkoak ibiltzeko gainerako tokien gainean".

Aparkatzen ahal dut nire motorra aparkatze mugatu edo murriztuko eremuetan?

Ez, ez dago baimenduta. Iruñeko Trafikoaren Ordenantzak ondokoa xedatzen du: "Salbuetsirik gelditzen dira eremu urdin, gorri, laranja eta murriztuetan aparkatzeko muga edo murriztapenetik... motozikletak, ziklomotorrak (hiru eta lau gurpilekoak izan ezik) eta bizikletak, nahiz eta, betiere, horretarako prestaturiko tokietan aparkatu beharko diren".

Zirkulatzen al dut motorrarekin BUS erreian barna ?

Ez, ez dago baimenduta. Iruñeko Trafikoaren Ordenantzak ondokoa zedarritzen du: "Udal agintariek bide lerro batzuk erreserbatzen ahal dituzte halako kategoria bat duten ibilgailuak ibiltzeko; kategoria horretakoak ez direnek debeku izanen dute haietan barna ibiltzea".

Ordaindu behar dut motorrak aparkatzeko erreserbaturik dauden guneetan aparkatzeagatik, gune horiek aparkatze mugatuko eremuetan kokaturik badaude?

Ez, ez da inolako tasarik ordaindu behar motor bat edo ziklomotor bat horretarako erreserbaturik dauden guneetan aparkatzeagatik, erreserbaturiko gune hori edozein tokitan egonda ere.

Utzi behar diet pasatzen txirrindulariei oinezkoendako pasabide batean?

Bai, pasatzen utzi behar diezu. Nolanahi ere, Iruñeko Trafikoaren Ordenantzak honako hau ezartzen du: "Espaloi seinalatuetan eta bide gorrietan barna ibiltzen diren txirrindulariak galtzadetara ailegatzen direlarik oinezkoendako pasabidea dagoen tokietan gelditu beharko dute, zangoa lur gainean ezarri eta, behin galtzadan barna dabiltzan ibilgailuetatik ikusi dituztela egiaztatuta, segitzen ahalko dute aitzina".

Utzi behar diet pasatzen txirrindulariei bide gorri batean?

Bai, pasatzen utzi behar diezu. Iruñeko Trafikoaren Ordenantzak honako hau ezartzen du: "Espaloi seinalatuetan eta bide gorrietan barna ibiltzen diren txirrindulariak galtzadetara ailegatzen direlarik oinezkoendako pasabidea dagoen tokietan gelditu beharko dute, zangoa lur gainean ezarri eta, behin galtzadan barna dabiltzan ibilgailuetatik ikusi dituztela egiaztatuta, segitzen ahalko dute aitzina. Pasabide horietan txirrindulariek lehentasuna dute galtzadan barna ibiltzen diren ibilgailuen aitzinetik".

Aparkatzen ahal dut nire motorra ibilgailuak aparkatzeko toki batean?

Bai, egiten ahal duzu, baina aparkatze mugatu edo murriztuko eremuetatik (alde urdina) at.

Semaforo batean, ibilgailuen artean igaro naiteke?

Ez, ez dago baimenduta.

Beharturik al nago keinukariak eramatera?

Bai, zure motorrak dagozkion keinukariak eraman behar ditu.

Beharturik al nago atzerako ispiluak eramatera?

Bai, zure motorrak dagozkion atzerako ispiluak eraman behar ditu.

Beharturik al nago bidaidearendako kaskoa eramatera?

Bai, hala zuk nola bidaideak kaskoa erabili behar duzue, derrigorrez, babesteko.

Jar naiteke semaforo baten geratze-lerroa baino aurrerago?

Ez, ez dago baimenduta.